صباح الشهيصه

صحيت من نومى على صوُت مُشآبه للصوت اللى عملته القنبلة الذرية بعد آما وقعت على كفر الشيخ ... قصدى هيروشيمآ ..


- إصحى يآمدهول على عينك إنتآ لسة هتنام تآنى ....... قووووووووووووووم يازفت




- إيه ..؟ الحرب قآمت ولا إيه ؟




- إنتآ كمآن قايم بتهزر ..؟ ... قوووم يلا السآعة بقت سبعة




- سبعة المغرب ؟ يااه آنا نمت كُل دة ... طب بوٍصى صحينى السآعة عشرة كًدة عشآن ألحق بسنت ودياسطى




- مغرب مين ودياسطى مين ... الساعة سبًعة الصُبح




- يا أُمى وفى حد برُضة بيصحى حد السآعة سبعة الصبُح ..؟



دة انآ أخر مرة صحيت فى الميعآد دة كًآن من خمس سنين



- مآ تقووم يابنى عشآن تلحق تروح الآمتحان




- إمتحآن إيه بس .. انا إمتحآنى لسة يوم الآتنين




خشى يآمه نامى وسيبنى اناااااااااااام




و شديت اللحآف تانى عل وشى ...




لكن لقيت اللحآف بيطير من فوقى بطريقة درآميتيكه .. وأُمى بتقومنى تانى ..




- النهآردة الآتنين .. آه طبعاً منتآ نايم هنا ومش دآرى بالدنيا ... مسطول عايش معانا فى البيت




فصرخت فى لهجة أقرب للبكُآء ...




سبتووونى نآيم تلآت ايام ... ؟




ليه يمه بتعملوآ فيا كًدة ؟ .. دة الدم عُمره مايبقى شوربه




- إنتآ شارب حاجة ياض ولآ إيه .. ؟ و بعدين منتآ مرمى على السرير



زى الجآموسة الوآلدة ومش عآرفين نصحيك من نوومك



- ولو .. كان لآزم تصحوونى حتى لو إضطريتووا إنكم تكهربونى وانا نآيم




- وله ... أنتآ يعنى صغير متعرفش تجيب منبه وتظبطه ..؟




إخلص وقووم عشآن تروح بدرى .. مش كُل سنة تروح بعد الامتحآن بساعة !




خرجت أمُى من الآوضة .. وسآبتنى قاعد على السرير وانآ عامل



زى اللى لسة جآيله خبر وفآة ابنآئه التسعة غرقآ فى حمآم سباحة ميتُه متكهربة



ياخراااااااااااااااااابى ... الآمتحان فاضل عليه سآعة ونص وانآ مذآكرتش غير تلآت دروس من التسع دروس اللى عندًى ...




اللًه يخرب بيت النووم وسنين النوووم




لكًن لآء ...



جريت على الحمآم ولآ محمد زيدآن فى مطش مصر والكاميرون ...


وإتوضيت ورجعت صليت الصُبح ودعيت ربنآ ...


يارب .. يارب الآمتحآن يجى من التلات دروس اللى ذآكرتهم ...


أى نعم أنا نسيت هُمآ كانوآ بيتكلموآ عن إيه


بس إنتآ قادر تفكرنى بيهم .. يارب


و قعدت شوية أقرآ قُرآن يمكن ربنا يوفقنى وأجيب الإمتياز


لقيت صوت كًدة فى ودآنى .. الصوت دة مش غريب عليآ ..


إنتآ هتجيب إمتيآز .. ؟ ههق ههق ههق ... تبقى تيجى تف على وشى لو جبت جيد حتى



الله يقرفك .. ايوة هجيب إمتيآز إنتا إيه اللى حشرك إنتآ يا بارد ..
وبعدين بقى مش عآوز اسمع صوتك عشآن ما أقلش أدبى علًيك يا ...




- إنتآ لسة مالبستش ؟؟؟




- هلبس أهوة يا أمُى .. دقيقة وآحدة بس



أعمل حسآبى بقى و أخود حاجاتى كُلهآ بدل ما أفضل أشحت



من العيآل اللى جنبى فى الآمتحآن ... وبدل ما المُرآقب بتاع اللجنة يقولى نفس الكلمتين اللى بسمعهم طول عمرى ...




- نسيت تجيب حآجاتك معاك ليه يآ حبيبى ؟



نسيت تُآكل ؟


نسيت تشرب ؟


نسيت تعمل حمام ؟


بوص فى ورقتك محدش هيديك حاجة عشآن تنسى كويس بعد كًدة .. يا حماااار



لآ انا مش أى حد يهزقنى كدة ... انا ليآ سُمعتى فى البلد دى



أدى المسطرة .. وأدى الآلة الحاسبة ...



أى نعم هيآ بتحسب غلط ... بس إسمهآ آلة





آه و كويس إنى جبت القلم أبو خط كبير دة معايا ... أصل فى ناس





قآلتلى أملآ الصفحة كتابة .. ماتسيبش صفحة فى كُرآسة الإجابة فاضية ..




عشآن اللى يجى يصحح الورقة يفتكر إنك حالل كُل حآجة !




طيب عليآ الطلآق لآكتب كُل كلمة فى سطر .. وهسيب مآ بين كُل سطر والتآنى خمس سطور فآضيين




مآهو لآنا لآنتم السنة دى !



نآقص القلم الرُصآص اللى هسطر بيه .. هجيب منين دلوقتى قلم رُصآص ..؟



لآ آهو .. لقيت قلم رُصآص - قد البلح الزغلول كًدة - مرمى على جنب ...




لآ وإيه .. فى إستيكه فى أخُره




مش هوآ دة القلم اللى كآن معايا فى تالتة إبتدآئى ..؟




آه هوا .. انا فاكره كويس ... بأمارة ال ...




- إنتا لسة مالبستش ؟؟؟




- هلبس والله آهوة ... قاايم




قُمت ولبست .. لمآ نتقل بقى عشآن الجو شكله برد وآنا صدرى واجعنى اصلاً




بس فين الشراب ؟ الشرااااااااااااب .. !




محدش شآف الشرآب بتاعى




- بيتغسل . دة شرااب معفن زي صاحبه





- مين قالكُم تغسلوه .. ؟ ... هلبس إيه انْا دلوقتى ؟





- إلبس اى شراب غيره متقرفنآش بقى




هيآ الناس دى بتعآملنى كًدة ليه ؟




مآ علينا ....



خلصت لبس وواقف قُدآم المرايا ... أنزل بشعرى كًدة ولا ألبس الكآب ..؟..



شعرى من سآعه ما حلقته لسة ماطولش ... وماينفعش أروح الجآمعة كًدة ..




البنات تقول عليآ إيه ..?!




خلآص ألبس الكآب .. بس لو طلعت شعرى لقُدآم ممكُن يبآن إنو طويل ..




- يا لهووووى ... إنتآ لسة واقف




- إستنى يامه بعدل الشعريتين اللى حيلتى




- إنتا هتنزل ولآ افتح كرشك






- حاسبى يامه السلآح يطول ... خلآص مش هعدل حاجة .! هلبس الكآب وأمرى للًه






نآزل مش شآيف حاجة قُدامى وحاسس كانى شارب باكيتة حشيش كااااااااملة لوحدى




أخيرآ .. وصلت للكُليه .. بس فى حآجة مش مظبووطة




الكُليه إتغيرت آووى عن أخر مرة جيتها .. والناس اللى فيهآ كًمآن متغيرين



العيآل مالهم كلهم شعرهم مُلون كًدة ولآ إبراهيم سعيد أيام اما كآن فى الآهلى .. ؟



و بعدين انا طوول عُمرى أعرف إن البناطيل بتتقسط لحد تحت الوسط بشوٍية .. أول مرة اشوف وسط البنطلون عند ركُبه البنى أدم



وبمآ إنى معرفش أى حآجة فى الكُليه .. فرحُت لآول وآحد قابلته عشآن اساله عن مكًآن اللجنة ..


هوآ صحيح شكلُه غريب وبيفكرنى بالبوكيمون اللى كُنت بلعب بيه زمآن .. غير إن شعُره ولا كُآنه مضروب فى خلآط ..



بس هوآ انا هتجوزه يعنى .. دة آنا هأساله وخلآص



- لو سمحت يا كآبتن .. فين لجنة 12 ؟



رد عليآ بطريقة فكرتنى بالواد أحمد مكى فى تامر وشوقية ..




.. شآيف يا بوب المبنى دة ..؟ خُش فيه .. يمين فى يمين فى يمين فى فوق فى شمآل هتلآقيه فى قفآك ... بيس يا مآن ؟




إيه بيبسى مآن دى ؟ مش هيآ دى اللعبة بتاعت الاتآرى اللى كنت بلعبهآ زمان .. ؟ ..




المهُم مشيت زى ماقاللى بالظبط .. وفجآة لقيت نفسى فى آخر مكان فى الكُليه



و لقيت تلآتة قاعدين سوآ بيشربوآ شاى ... ومن منظرهم إستنتجت - بذكآئى -إنهم مش طلبة .. ولآ هم دكآترة أكييد


هُمآ الظاهر حرآمية كانوآ جايين يسرقوآ حاجة وماشيين علطلول ... قُلت لما أتخن صوتى بقى يم،كن يرتجعوا ...


- سلامو عليكم .. لو سمحت يامعلمين فين لجنة رقم 12 ؟



فجأة لقيت الآرض بتتهز والدهآن اللى ع الحيطة بدأ يقع من الصوووت اللى انا سمعته




- خُش يا غالى آخر الممر دة فى يمين وبعدين إطلع فوج تلآجى لجنه



- بتعطيش الجيم - 12 ... تحًب نجوم نوصلك يا خآل ؟



- خآل لآ .. هه .. .. أحم لآ يارجالة الف شكُر مش عايزين نتعبكم معآنا .. بعد إذنكُم




- إتفضل يبو عمُو




ياااه .. اخيرآ وصلت اللجنة .. هوآ صحيح فات من الوقت رُبع ساعة .. بس مش مشكلة المهم إنى وصلت



دخلت اللجنة بعد ما إتفتشت تفتيش ذآتى ولآكانى دأخل لجنة كًمين


إيه دة .. مش هوآ دة الواد البوكيمون بتاع بيبسى مآن اللى توهنى .. دة طلع معايا فى اللجنة ...



بس هوآ ماله كًدة وشه مصفر ولآ كان عنده الحصبة .. ؟ وشعرُه مش كًآن لونه أزرق من شوية .. إيه اللى خلآه بقى أبيض ؟ ...




إلطُف بينا يارب !!



آنا كُنت ناوى أضربه الصرآحة عشان توهنى بس بعد ما شوٍفته دلوقتى .. صعب عليآ


المهم أخدت ورقة الآمتحان وانا بدعى الدعُآء المعهود ... ربى إنى لا أسالك رد القضآء و لكنى أسالك اللطُف فيه



بعد شويه دخل المعُيد بتآع المادة مع إبتسامة كبيرة ليس لها معنى على وجهه ...:




- عاملين إيه يا كتاكيت ؟




رمانآ بنظرة جانبية غريبة ثُم إستعاد إبتسآمته اللى آنا أمووت وأعرف سببهآ إيه ...





- الآمتحان طبعاً زى منتوآ شايفين سهل خالص ومفيش بعدً كدة ... عشان تعرفوآ قد إيه إحنا بنراعى الطلبة ..




80 % من الآمتحان فى مستوى الطالب العبقرى ..

و 15 % فى مستوى الطالب الدحيح ..

و4 % فى مستوى الطالب المُتميز ...


وواحد فى المية بحالهم فى مستُوى الطالب المتوسط



ساله أحد الطلبه .. طيب لو سمحت يا دكتور .. الطالب الضعيف مالهوش أى حاجة فى الليًلة دى ؟




- الطآلب الضعيًف دة يروح يقعُد جنب أمُه هههههههههه




بيضحك على إيه أبن العبيطة دة




ماااااااعلينآ ... سيبوووونا نركًز بقَى



المُرآقب بتاع اللجنة سآيب اللجنة كُلها وجآى يقعد فى وشًى ...



- إنتآ مابتحلش ليه يآبنى ؟ .. دة الدكتور بيقول إمتحآن سهل خالص .. يعنى الوآحد يحله بصوبآع رجله الصغنن




- طيب مآتسلفنى صوبآع رجلك الصغنن أحل بيًه عشآن انا صوبآعى واجعنى




-ها ها لآ خفيف يآض .. بووص فى ورقتك وبطًل كلآم



يالآ ياولآد .. باقى من الزمن ساعة إلا رُبع


شدوآ حيلكُم شوية .. معادش فاضل غير ساعة إلا تلت


هاه ؟ .. اللى خلص يمشَى ... فاضل يا سيدى وماسيدكوآ إلا أنا نص ساعة وخمس دقايق



أسرع ياوحوش .. مش فآضل غير نص س ..




حراااااااااااااااااااااااام ... ياعم أبووووس شعر رجلك




والنبى ... والنبى خمسة هدوووووء عشآن أعرف أتنيل على عين أهلى وأحل



و فى الآخر سحب منى الورقة لآن الوقت خلص ..




وانا أقوله يآعم الحج طب خدُ الورق من بآقى الطلبة وبعدين تعالآلى خودها منى





يُرد بكُل بجآحة .. فى حآجة إسمها نظآم .. يعنى لآزم نمشى بالدور ..!



إحنا هنآ يابابا فى الحرم الجآمعى مش فى مولد سيدك البدًوى


بقى هوآ يشد وانا أشد ..



يشد وأنا أشد ..





وفى الآخر إضطريت أسيبهالو لآنه كان هيقطع الكرآسة بتاعة الإجابة





بًس كُل دة مش مهُم ..... !



المُهم إنى هروح البيًت وهنااااااااااااااااااااااااااااااااااااااااااام


تحياتى